það er ennþá hægt að blogga. Maður er bara svo duglegur við að eyða tímanum í aðra vitleysu að maður hefur alveg gleymt þessu hér...

En já  - mikið er þetta búin að vera yndisleg helgi! Hátt í 20 stiga hiti og svo til logn - föstudag fram á sunnudag. Bara YNDISLEGT! Held við þolum alveg meira af þessu... bara muna eftir sólarvörninni.

Bueno - Gleðilegt sumar. Vonandi hafið þið það sem allra best...

Þangað til við næsta færitæki.

luv.B

luv.B

20:30 var það!  Ætli maður komi ekki bara með áheit um meiri lærdóm núna
Virkar kannski ef ég læt ykkur vita af því hér

Farin að læra


luv.B

...ég skal veðja að ég get það!

Læt ykkur vita morgunn...

Hversu snemma.... ég ætla að segja á milli 20 og 21 (Y)

Annars bara ekkert spes... ekki byrjuð að læra og nenni ekki að þrífa húsið... bara allt í gúddí

Puttinn að lagast í rólegheitunum... drengurinn bara kominn með svona venjulegan plástur á puttann... og þetta er bara búið að haldast í lagi í dag. Svo vonum við bara að drengurinn sé búinn að læra að fara með skæri eftir þessa reynslu

Puttinn verður vonandi orðinn sundfær í vikunni.

Hilsen, B

Puttalingurinn minn klippti framan af vinstri vísifingri í dag...
Ekkert mjög mikið sem betur fer, en samt þannig að það vantar núna smá flipa framan af fingurgómnum...

Puttinn var vel vafinn á heilsugæslunni en við verðum að kíkja aftur í heimsókn þangað í fyrramálið því umbúðirnar hafa roðnað heldur mikið. Vona að þetta verði orðið betra á morgunn... en er ekki viss um að það sé gott fyrir sonna puttaling að fara í leikskólann í hamaganginn.

Já - hamagangur á hóli....

Bið að heilsa ykkur í bili.

xxxB

...núhh það er nýja ofurhetjan. Halldór Ásgeir á nefnilega þennan fína Supermanbúning sem við fengum í HM um áramótin... nema hvað... það er engin skikkja á búningnum! og hvað er Superman án skikkjunnar. Ég var náttúrulega ekki að fatta það að ég þyrfti að bjarga þessu fyrr en það var orðinn ansi knappur tími til stefnu... þannig að Nanna granna nágrannakona gróf í kistil sinn og fann eitt stykki skikkju.... reyndar líklega drakúlaskikkju.... en við látum okkur hafa það í þetta skiptið þar sem ég held að það verði bara gleði yfir því að fá skikkju... ég er svo að spá í að skella mér í efnvörudeildina á næstu dögum og bjarga mér um smá bút í "alvöru" Superman skikkju þannig að það verði hægt að leika sér fyrir alvöru í þessum búning... að maður skuli klikka svona á stóratriðunum!

Annars er ekki nema frá því að segja að Halldór Ásgeir fór til tannsa í fyrsta skipti í dag! Fórum til ungs tannlæknis, Kristján að nafni, og hann svoleiðis rúllaði tannlæknaferðinni upp. Man bara ekki eftir að hafa hlegið svona hjá tannlækni áður (man reyndar bara varla eftir að því að hafa brosað hjá tannlækni... með þvinguð með töngum). Halldór Ásgeir var náttúrulega EKKI tilbúinn til að fara til tannLÆKNIS þar sem honum er enn ofarlega í minni bólusetningarsprautan sem meiddi hann í byrjun janúar. En Kristján kunni á þetta - á sjálfur þrjá grislinga og var bara ótrúlega hress og skemmtilegur og vann sér strax inn traust. Sýndi HÁG froskabrúðu með fölskum og svo var Pétur (hauskúpa) líka á staðnum og Halldór Ásgeir fékk að skoða þetta allt saman auk þess að fá verðlaun á undan og eftir! SkrímslaPEZkall og Spidermanblýant. Hann fékk samt ekki Spidermantannkremið (flúorið) á tennurnar í þetta skiptið... bara næst!

Svo foreldrar  - bara muna að bursta tennur barna ykkar kvölds og morgna... flúorið í tannkreminu reddar þessu! Svo er kominn tími á að losa sig við snuðið... best að fara að spýta í lófana varðandi það... allt í gúddí með tennurnar ennþá en þetta hefur áhrif ef maður fer ekki að kúpla þessu út!

Jebbettíjebb.... já minnir mig á... skutlaði skeifum á 2 truntur um helgina  (eða gæðinga... ef við köllum þetta sínum réttu nöfnum ) Mamma var reyndar búin að svindla og fá Bjarna Sig til að skella undir aðra tvo því hún var að hafa áhyggjur af því að það væri of mikið að gera hjá mér... Well... sé ekki að það sé búið að hreyfa mikið enn þó svo það sé búið að negla undir! Mamma... hvað slór er þetta?

Vogurinn alltaf jafnfallegur og ég alltaf jafnmikill slórari... sko klukkan er að nálgast miðnætti svo maður getur farið að koma sér í háttin...

Skólahelgi framundan! Verð að vera þvílíkt dugleg... að bara allt.

Sí sí sí...

Hafið það gott og látið í ykkur heyra.

Luv. B

en best að segja ykkur frá því helsta. Dísa og Jökull litli komu til landsins síðasta sunnudag og Davíð  nokkrum dögum síðar. Þau komu hingað á Huldubrautina og búa hér á meðan þau eru að koma íbúðinni í stand... aðallega bara mála og þar til húsgögnin þeirra koma frá DK. Ætli þau verði ekki svona viku í viðbót. Ofsalega gaman að hafa þau og fá að fylgjast með litla frænda sem er reyndar alveg ofsalega duglegur að lúlla sér.

Já  - eins og kemur fram hér að ofan hefur hann verið nefndur Jökull

Á fimmtudag fyrir helgi skelltum við vinnufélagarnir Sammi og Grétar okkur til Sigló - aðeins að kíkja í heimsókn til Lífeyrisþjónustunnar. Það er náttúrulega bara yndislegt að fara svona út úr bænum aðeins. Ótrúlegt hvað stressið er miklu minna fyrir utan Reykjavík... næstum þannig að manni langi til að flytja! Ég er ekkert að grínast með það! Það hefur svosum sína kosti og galla hvort sem maður býr í ysinu í borginni eða rólegheitunum úti á landi.

Á Sigló var frábært veður og alveg fullkomið skíðafæri... sem ég lét þó ekki verða af að prófa. Hefði nú alveg verið til í það og kannski drifið mig ef ég hefði ekki gleymt hlífðarbuxunum mínum heima... hmmm... góð afsökun.

Annars bara nóg að gera eins og vanalega - ég er að reyna að koma mér í lærdómsgírinn... verð að fara að lesa amk í öðru faginu þar sem ég þarf að fara að skila fyrsta verkefninu ! haha stuð.

Í gær fórum við Halldór Ásgeir niður að Kópavogslæk og gáfum öndunum og löbbuðum svo heim, ... Halldór Ásgeir var reyndar á snjóþotu Svo í dag fórum við í Egilshöll á skauta með vinnunni. Inga Rut og Hanna Björg komu með. Þetta var svaka skemmtilegt - í annað skipti sem kútur fer á skauta stendur sig bara ágætlega. Náttúrulega meira en að segja það að standa á svelli!

Núna í vikunni er Halldór Ásgeir svo að byrja á sundnámskeiði Bara skemmtilegt.

Luv. B

...Ótrúlega gott að sofa almennilega út svona einu sinni... Búið að vera stressvika. Alltof mikið að gera í vinnunni og svo var líka skólahelgi svo þetta var löööööööööööööööööööööng vika.

Aubý og Frank komu heim núna yfir helgina... eða rétt svo fimmtudagskvöld til sunnudagsmorgunns og ég varla náði að hitta þau.

Mamma og pabbi fóru út á fimmtudaginn ásamt foreldrum Davíðs til að halda upp á útskriftina hans. Þau koma svo heim í kvöld ásamt Dísu og litla frænda sem er kominn með nafn... Segi ykkur frá því þegar ég hef fengið samþykki fyrir því 

Aðfaranótt laugardags vaknaði litli kútur og Gunni hélt að hann væri kominn með í eyrun. Svo var víst ekki en hann var "bara" kominn með streptokokka í hálsinn! Svo það leið alveg heil vika að þessu sinni án sýklalyfja! Jább... nýbúinn á tveggja vikna sýklalyfjakúr! En hann var búinn að vera nokkuð góður samt fram að jólum... í "of langan tíma" líklegast.

Já  - Við ætlum svo að fara að drífa okkur á sundnámskeið

Svo langaði mig til að benda ykkur á bloggsíðu Ívu Marínar sem byrjaði að blogga núna í janúar  

http://iva.blog.is/blog/iva/

kv.B

 

...meiri vitleysan endalaust. Guðlaugur Þór tuðandi um það að VG vilji taka til baka þær breytingar í heilbrigðiskerfinu sem hafa verið í gangi undanfarið... sameiningarnar. Að VG vilji bara fjölga forstöðumönnum innan stjórnkerfisins... Já einmitt... örugglega akkurat það sem þeir eru að spá í... ekki það að krafan frá fólkinu sem býr út á landi vill hafa heilbrigðisþjónustu í nálægð við sig. Ekki þurfa að fara yfir hálft landið til að komast til læknis. Svo held ég að sjálfstæðismenn fatti ekki að þeir geta ekki sagt að samfylkingin sé hafi slitið samstarfinu af því vegna kröfu sinnar um forsætiráðuneytið... þá hlýtur það sama að eiga við um þá þar sem þeir vildu ekki gefa það eftir fyrir nokkurn mun.

...bara svona varð að deila þessu með ykkur þar sem það er mest þreytandi að heyra þetta tuð í þessu liði.

Vona að þið hafið það gott í þessu ástandi

Byrjum að sjálfsögðu á Hælæti dagsins -

Litli systursonur minn fættist síðustu nótt... rétt um 13 merkur og 51 cm með svartan lubba.... bíð spennt eftir fyrstu myndunum af honum. Mamma var svo heppin að hún átti flug í morgunn til DK svo hún er bara mætt á svæðið að knúsa nýjast fjölskyldumeðliminn! Samkeppnin bara mætt á svæðið!  En það er bara gaman... Eina sem er svekkjandi er að þurfa að bíða í heilan mánuð til að sjá litla stýrið!

Til hamingju elsku syss og Davíð

Annars  bara svona allt við það sama - jólin bara búin og skólinn að byrja aftur og mikið hvað ég er glöð að vera bara í 2 fögum með vinnunni þessa önnina - held að þetta verði alveg fínt bara svona. Alveg nóg að gera samt!

Ekki mikið jólaskraut að taka niður samt að þessu sinni haha

Við Halldór Ásgeir misstum af brennunni og flugeldunum á þrettándanum því elsku litli kúturinn var svo uppgefinn eftir fyrsta leikskóladaginn í langan tíma... hann bókstaflega sofnaði ofan í matardiskinn þetta kvöld.

Bueno... í bili - verð að þjóta

B

...vonum að nýja árið færi okkur öllum gleði og hamingju ...og betra efnahagsástand ...og kannski nýjan gjaldmiðil svo við þurfum ekki að fara að flýja land.

Annars ákvað ég að byrja árið með trompi og er búin að halda kreditkortinu mínu á lofti síðan ég lenti... það er ekki kólnað enn.

...það þarf svo sem ekki að vera stórt svo þúsundkallarnir fljúgi!

Já ég verð að segja það að námsmenn erlendis eiga hrós skilið fyrir að halda út... og bara beisiklí að tíma að kaupa sér í matinn þessa dagana e-ð annað en hafragraut og grjón (ef þeir eiga þá fyrir e-u öðru).

xxxB

...allt gott ad fretta fra Odense. Disa med tessa flottu bumbu og allt bara i rolegheitunum ad donskum sid. Vid Halldor Asgeir dandolumst her bara i rolegheitunum og hofum tad hyggeligt med Disu og David. Bara verst ad geta ekki misst sig i H&M og hinum budunum sem eru ad skella ollu a utsolu tessa dagana. Vonandi a gjaldmidillinn okkar eftir ad retta sig aftur af - frekar glatad ad finnast madur ekki geta keypt neitt af tvid verdid er svo faranlega hatt.. 1200 kall fyrir eina pulsu og kok? ...og so videre. 

á allt og alla...lala lalaaa la lala laaaa

Ótrúlega jólalegt og fallegt úti núna... bara verst að þurfa alltaf að vera að skafa af bílnum þegar maður þarf að komast á milli staða. Svo sé ég reyndar lítið út um gluggana hérna heima því snjórinn situr fastur á þeim... og ég nenni ekki út að skafa! Enda bara fín tilbreyting að sjá ekki út og að aðrir sjái ekki inn! hahaha

Annars keypti ég nokkrar gjafir í dag - bæði jóla- og afmælis og fór svo niður í Borgartún 25 í  kvöld - þar sem Straumur er til húsa og aðstoðaði aðeins við að undirbúa matarpakkaúthlutun morgundagsins.Setti kartöflur í poka, setti smjör og lax í kæli og sápur í poka... svona aðeins að aðstoða. Við vorum þarna e-ð um 10 manns héðan og þaðan, Kaupþingi, Ísal og og og ...fleirum fyrirtækjum.

Hafði svo hugsað mér að þrífa svolítið heima hjá mér.... en hahaha það tókst ekki.... tók samt til! hitt kemur kannski á morgunn. Svo hafði ég nú líka hugsað mér að senda nokkur jólakort... en það gengur e-ð illa að komast í það.

Annars fékk ég einkunn númer 2 í dag  - af fjórum! ...ég náði amk stæ Einn sem fékk 10 (ekki ég) og einn sem fékk 8 (ekki ég heldur), einn sem fékk 7 (...hmm ekki ég sagði grísinn), ég var í stærsta hópnum (6 manna hóp)... algjört meðaltalsgella með heila 6!  ...en ég minni ykkur þá bara á að ég fékk 9,5 í Financial Economics... ekki gleyma því mohaha

Annars bara bið ég að heilsa ykkur - ætla að drífa mig í háttinn svo ég geti lyft aðeins áður en ég fer í vinnuna....

luv, B

Ótrúlega gott að vera komin í jólafrí frá skólanum og vera bara í vinnunni og hugsa um litla kútinn sinn og reyna að undirbúa jólin...

Bara vika í 3 ára trítil og svo jólin og DK Bara gaman.

Annars dreif ég mig í ríkið í dag og keypti dýrara áfengi - smá jólabjór
Ok hækkun álagningar á áfengi en að leggja meiri skatt á bensín... í borg/landi sem er ekki byggð fyrir almenningssamgöngur... Jújú fínt ef maður hefði ekkert annað að gera en að labba lengri leiðir útá stoppistöð, bíða þar og keyra svo allar hliðargötur og króka sveigjur á á áfangastað.

Hvernig væri frekar að fækka seðlabankastjórum niður í einn hæfan aðila, sleppa hinum og svo mætti kanski draga úr eyðslu hins virðulega forseta og hans slegtis. Símreikningurinn hefur líklega ekki lækkað við það að giftast konu frá Jerúsalem. Væri svo ekki hægt að fá e-ð af þessu fólki sem vinnur í forsetabústaðnum til að sjá um myndatökur og gaman væri að vita hvað hverju er verið að aka fyrir 1,5 mkr í leigubílum fyrir forsetann! Það þarf enginn að segja mér að það sé ekki hægt að spara á þessum vígstöðvum eins og annarsstaðar.

...en Árna Mat finnst ekkert að því að hækka bara álögurnar á bensínið og hækka þar með vísitöluna og auka á skuldir heimilanna sem eru með þessi fínu verðtryggðu lán. Árni Math er sko að hugsa um umhverfið! (Allt í einu orðinn grænn og umhverfisvænn).

Já og ekki gleyma að kaupa nauðsynlegu bókina um forsetann.... döööhh

Litlu jólin í vinnunni á morgunn og svo jólaball fyrir kindurnar

nokkrar myndir af kassaleik...



 

...jebb - með harðsperrur í maganum og upphandleggsvöðvunum eftir þessa fyrstu æfingu í gærmorgunn!  Greinilega betra en ekki neitt!

...svo er bara minna sólahringur þar til ég verð búin í prófunum.... verst bara að ég er ekki alveg með budgetið og sjóðstreymið á hreinu og... verð að reyna að ná þessu í kvöld.

...ætlaði að kíkja á jólahlaðborð í Turninum í kvöld með vinnunni en svo þegar nær dregur held ég að það sé betra bara að sitja heim og troða meiri fróðleik inn heldur en að troða sig út af mat...

Þó svo það hefði náttúrulega ekki verið leiðinlegt... og náttúrulega ekki spurning um hvort bragðast betur!

Bueno -

nokkur sæt augu